香港新浪網 MySinaBlog
« 上一篇 | 下一篇 »
肥妹樂 | 14th Feb 2008, 14:11 | 自我空間 | (342 Reads)
昨晚用左新指甲油, 係自己未用過既色。

昨晚放工係ifc, 入左一間賣化妝品既shop, 見到個sales 姐姐塗左個指甲油, 個色都幾靚, 又唔想再埋到成屋都係同一類色既甲油, 所以就試左呢個色, 都只係85元一支。個色係淺紫帶銀底, 其實都幾似夜晚出去既色, haha, 同埋我諗我用呢個色, 衫都要著好d, 如果唔係襯唔起d 甲油色, hahahaha。不過好開心喎, 因為隻色好呀。

其實成日都覺得, 塗左甲油, 自己都會變得女性化d, 同埋個人無咁"素", 因為我已經無咩點化裝, 個人都無咩色, 衫又唔係咩特別識襯, 都只係簡簡單單, 又少用飾物, 因為對某d 金屬 (所謂假野)有皮膚敏感, 所以成日都覺得個人好"素"。而指甲油係一個可以令到自己多d 色, 唔好咁"素"咁"掛" 既一個accessories. 又可以用黎match 衫, 又可以斯文, 又可以女人, 又可以grandd, 咩款都有, 都幾好呀!

後加:

今日終於用左新電話入面既excel 啦, 因為佢係pda phone, 可以睇到excel, word, powerpoint (咁多圖, 會唔會hang 機?) 及pdf 既file, 佢仲可以edit excel 及word, yeah.., 今朝無聊, 就用下excel 黎記得係公司逗到幾多利是啦, kakakaka。