香港新浪網 MySinaBlog
« 上一篇 | 下一篇 »
肥妹樂 | 25th Feb 2008, 10:09 | 自我空間 | (257 Reads)

好奇怪, 一遇到人人話好/對/應該既野, 我都會閃出一句問題, 就係"係咪真係咁好", 然後會找出不好/不對既地方。

其實, 有想過, 係咪要妥協, 人人話好, 咪試下跟著大家既方向, 即所謂人有我有, 人做我做, 大排隊既方法, 咁可能條路會容易d 行, 無咁辛苦。順流而行, 始終舒服過逆流而上。

真係有try 過, 係, 真係無咁辛苦, 因為唔駛自己用腦去諗去分析, 只須去做, 唔好問唔好質疑, 而且身邊人既認同及讚賞都會多d。但我未有覺得開心喎。

我係咪犯賤? 

根本個d野都唔係自己想要既野, 亦都不能符合自己心意, 而且覺得自已唔係自己, 亦覺得自己係行屍走肉。但係要符合自己心意, 就要付出, 就要行一條比較辛苦既路, 亦未必能得到身邊人既認用及欣賞。

呢條路, 無人陪我一齊行, 好多時都會覺得有點孤獨, 但我做既野係為左please 自己, 唔係人地, 所以我都係決定左要行為自己想行既路。

以上講既野, 係包括左吃喝玩樂生活態度意識形態價值觀等等等等。