香港新浪網 MySinaBlog
« 上一篇 | 下一篇 »
肥妹樂 | 27th Feb 2008, 15:39 | 自我空間 | (951 Reads)
想買mp3, 但係都有d criteria

1) 容量 - 最好係大少少, 以前個個得128mb (於多年前購入), 太少啦, 而家想要多d。

2) 電量 - 最好可以用到最到20小時, 咁就唔駛成日义電, 有諗過用電芯個d機, 但係要買電又唔環保, 好似用义電會環保少少。

3) 體積 - 原本有意思想買個部, 睇到真身, 都幾大下, 似肥ipod (肥ipod 係d 討論區d人咁叫架, 個名好可愛), 太大啦, 我個電話都係咁上下大, 無理由個bag有兩件咁大既野架ma, 雖然個部機個樣都幾靚。我都係鐘意小巧d 既機。

4) 收音機 - 我要聽收音機架, 尤其早上, 而家用手機聽歌, 聽完又要換機, 好煩, 一部機有晒, 唔駛換黎換去。

5) 音質 - 雖然我唔係話玩音響既人, 但係都希望唔好有太差既音質, 唔好有d 太明顯既"電子" 聲就最好 (而家手機聽mp3, 好明顯有電子聲, 好難聽), 同埋d 聲唔好散。

6) 價錢 - 唔想太貴, 主要係聽歌之ma, 睇相呀movie 呀個d function 都唔須要, 咁細個mon 睇黎做咩, 但係一有呢d function又會貴喎。

7) 要有mon - 我唔要無mon睇唔到咩歌個d 機, 見有人用shuffle, 係好細個呀, 但係根本唔知有咩歌, 總之係咩都唔知, 忍受唔到無權去choose 鐘意既歌黎聽。

 

*又係要考慮及取捨不同既criteria, 因為有d有個d又無我想要個d, 有另外一d 又無另外一d。昨晚睇討論區, 似乎 sony 係最可以fulfill 到我既要求, 雖然個人黎講唔太鐘意用sony (因為佢有太多咩專利既電呀, cable 呀, 扮係好勁咁, 配件壞左又要一定同返佢買, 好明顯係明比佢搶錢), 但係如果真係再無好d 既選擇, 都唯有要買sony.

 ** 有一位朋友, 她無論是買手電及數碼相機, 都是以外表為大前提, 只要外表美便可以, 所以, 她的mp3 機, 都是ipod。有時會想, 如果我可以好似佢咁樣, 只著重外表, 咁就萬事都容易辦啦。

 


[1] ben

依家買mp3很便宜喇,一部256MB的mp3,都不用200元,大約123至125元就可以買到了.


[引用] | 作者 ben | 27th Feb 2008 16:25 | [舉報垃圾留言]

[2]

我有部sony nw-a1000 music player(6gb). 佢唔叫mp3 player事關佢要用佢自己專用software將d歌轉成特定format入部機先聽到, 個人覺得極麻煩... 而且隻software唔多得, 成日整到部電腦死機.總覺得sony sell既係外觀, 個人覺得這方面毫不重要, 當日只係見到佢減價先買, 有d後悔. 不過音質還可以, d電都算幾"come"(叉電). 分享係為左提議blog主買機時都留意下呢d方面.


[引用] | 作者 Bee | 27th Feb 2008 18:23 | [舉報垃圾留言]

[3] Re: Bee
Bee :
我有部sony nw-a1000 music player(6gb). 佢唔叫mp3 player事關佢要用佢自己專用software將d歌轉成特定format入部機先聽到, 個人覺得極麻煩... 而且隻software唔多得, 成日整到部電腦死機.總覺得sony sell既係外觀, 個人覺得這方面毫不重要, 當日只係見到佢減價先買, 有d後悔. 不過音質還可以, d電都算幾"come"(叉電). 分享係為左提議blog主買機時都留意下呢d方面.

THANKS 呀, 我係討論區都見到有人話個SOFTWARE 有D 麻煩。不過估唔到要把歌轉左FORMAT 先可以入到歌。

除SONY 外, SAMSUNG 都係另一個選擇, 請問SAMSUNG 又有D咩要留意呢, THANKS


[引用] | 作者 肥妹樂 | 27th Feb 2008 23:27 | [舉報垃圾留言]

[4] Re: ben
ben :
依家買mp3很便宜喇,一部256MB的mp3,都不用200元,大約123至125元就可以買到了.

THANKS
我想買一部最少2G 既機呀...


[引用] | 作者 肥妹樂 | 27th Feb 2008 23:28 | [舉報垃圾留言]