香港新浪網 MySinaBlog
« 上一篇 | 下一篇 »
肥妹樂 | 12th Jun 2008, 00:01 | 自我空間 | (124 Reads)
8/6/2008, 去左睇由詹瑞文演出第四次重演最後一場既萬世歌王。初初都唔知佢係以咩形式表演, 一向都只係見到佢唱歌既片段,  中間個D 完全無睇過。

 

睇完整個表演, 由衷的要 "拍爛手掌", 佢既肢體表演, 真係好好。之前都有睇過男人之虎及糊呢單刀(唔記得正式寫法), 都已經覺得佢做得好, 但係今次, 比起之前個D, 佢既肢體表演係更好。又雖然我唔係睇好多DRAMA, 但係我覺得佢係好。

而整個劇, 係笑中有淚。笑, 充滿娛樂性, 好笑既, 真係好好笑, 有D 位仲笑到肚痛, 唔駛問, 又更係有佢出色既肢體加埋一齊, 所以好好睇。淚, 睇到而在香港既單一性, 悲哀! 呢個單一性, 唔係只係指娛樂圈, 而係整個香港既各方面, 單一性, 亦唔係佢係第一個提出, 之前睇一D 文章書本, 都有提及。

衣著, 化妝, 審美觀, 興趣, 工作, 玩樂地方, 讀書, 閱讀.............好多好多, 每一樣都係一窩峰, 又或是人人都會要求好相似既野, 對於與別不同野, 就無興趣, 唔夠GUTS (HAHA, 今晚JIM JIM 既一句台詞), 唔夠知識 (又係今晚一句台詞)...., 所以人人都只會喜歡同樣既野。

其實, 我們知唔知道自己想要D 咩? 鐘意D 咩? 係咪社會傳媒娛樂圈比咩我地, 我地就要接受? 有無選擇以外既選擇? 係咪我地無力去反抗? 係無力定是無心?

又如今晚既台詞 "你搵唔搵到你把聲?" "你知唔知自己把聲?"