香港新浪網 MySinaBlog
« 上一篇 | 下一篇 »
肥妹樂 | 29th Dec 2008, 16:35 | 自我空間 | (192 Reads)

27/12 晚去左睇神探伽俐略, 有朋友話好睇, 有朋友話唔好睇。

其實之前已經睇左好多有關既報導, 知道左電影入面係無左招牌手勢及寫方程式, 亦知道主角唔係湯川佢地, 所以有晒心理準備入場。

故事係ok, 不過有d 位就好似交待得唔detail , 呀, 我無睇書所以唔會有先入為主。但係石神真係做得好好, 尤其係最後佢係警局見到女主角, 個一幕, 真係好感人, 亦為佢地難過。

而湯川呢, 亦即福山雅治, 係影片開始無耐, 當佢知道女主角有晒時間証明佢係電影院出現, 佢當時震驚既表情, 做得好好, 完全同係電視劇入面係唔同, 我見到佢呢個表情, 我都好震驚。另一場係, 影石神係拘留望向天花, 仍然在想四色問題, 跟主又影湯川又係望主天花, 湯川當時既表情, 又係做得好好, 完全係感受到佢既悲傷。

不過呢,講湯川點樣內心掙扎, 好唔好講出真相, 似乎呢度描寫唔夠多, 只係略略講, 如果可以講多少少, 會更表現到佢點樣掙扎。係電影, 只係見到內海只係講左兩句, 咁就湯川就好快, 完全睇唔到有咩掙扎。

最出乎意料既係, 當以為石神係跟蹤狂時, 原來全部係佢計算之內, 呢度都係估佢唔到, 仲以為石神幫左女主角, 咁佢就想歪左。

係電影, 另一場覺得悲哀既係, 石神係課室教書, 但係根本無學生聽佢講書, 但係佢仲係係度自言自主, 似係講比自己聽, 呢d係咪現今社會既悲哀? 石神係一名數學天才, 但係卻如行屍走肉咁生活, 相信佢係之前一定發生左一d 事才會攪成咁, 才會想到自殺, 但又好好彩女主角既出現, 帶比佢人間溫暖, 就如影片結尾, 內海向湯川說, 石神係為女主角而生。又如, 係拘留室, 當湯川講晒佢既假設, 問石神當中係咪發生左d 咩事, 其實佢都好想知點解石神會咁樣去愛女主角, 會願意咁樣做。

在雪山上的木屋入面既對話, 石神話, 說出真相, 沒有人會得到幸福。 原本, 三個人都得到幸福, 但說出真相, 三個人也沒有幸福, 但又是不是這樣? 當女主角知道左石神以自己既一生黎換取佢兩母女所做過既錯事, 又係咪真係會在以後既日子也會過得心安理得? 佢地係咪又可以真係如石神所願, 過得幸福?

其實, 當一個人, 只為一個人而生, 一個人而死, 是悲還是福,真係唔知道。 係電影, 石神根本已經唔想生存, 只係女主角岩岩係個個時間出現, 就好似救左佢, 其實佢既命, 係女主角救返黎。佢為女主角付出生命, 相信對石神黎講, 佢唔會覺得係損失。可能, 對石神, 這是幸福, 因為佢可以去保謢到女主角兩母女。當一個人生無可戀, 而只有咁樣做, 佢會覺得佢既生命係有價值。一個再沒有價值既人命去換取兩個有價值既人命。

即使湯川, 亦為友情與理性之間掙扎, 這中間亦有愛, 友愛。佢選擇左理性。

而內海, 則在湯川要求她以朋友身份而不是刑警身份聽佢對案件既結論, 其實佢選擇左愛。

而草薙sir 讓湯川見石神, 選擇左友情。

似乎,全套片, 選擇理性既係湯川。就如電視劇的最後一篇 (不是零章), 講佢以前一同做研究既教授所做既事, 亦講出, 其實湯川都會被感情所左右, 經一番掙扎, 佢到最後仍會理性咁去搵出真相。

其實係電視劇入面, 佢係其中一集入面, 已經開始被感情所左右, 個集係講佢學生既親戚個老公唔見左, 湯川叫內海去查個一集。

不過有樣唔太明, 就係佢已經把成件事既真相講比女主角聽, 就算點, 石神都係有殺人, 石神始終都係要受到法律既制裁。不過, 可能湯川想女主角知道原來石神為左佢地做左d咁既野, 同時, 佢又覺得, 人做錯野, 就要承擔責任。

有朋友話湯川及內海關係無講到, 其實我覺得係有。如果佢唔信任內海, 佢唔會要求內海以朋友身份去聽, 如果佢對內海係無野, 對於內海主動提出要求與湯川分享痛苦, 湯川未必會接受佢既提出。到片末, 佢會向內海講出自己心所想, 其實都係踏出左一步既表現。

 

註: 1) 我係一個福山迷既blog , 睇佢翻譯福山既訪問及報道, 知道左電影與電視劇既分別。同時又上網睇一d video 又知道多d 有關電影既資料。

2) 以我睇harry porter 既經驗, 真係唔好睇書先, 實會影响, 因為一套電影好難把成本書拍晒出黎, 而有時候, 電影拍出黎既野未必達到書中既描述。至今, 我覺得拍得最好係色戒, 因為文字係短篇, 但電影拍得好完整, 完全係一套好似無改篇既電影一樣。